散戶必看 莊家不想您知道的秘密

【散戶必看】 莊家不想您知道的秘密…… 2013-02-15 14:41:31 一代傳奇交易員Richard Wyckoff，其於30年代出版之暢銷書《The Richard D. Wyckoff Method of Trading and Investing in Stocks – A Course of Instruction in Stock Market Science and Technique》早已停刊。不過事隔80年，Business Insider最近總結書中重點，歸納莊家舞高弄低的技倆，對今日的散戶，仍具參考價值。

1. 記住！真正識炒股的人，來來去去都係四個字：低買高沽，但只有成交量高的股票，先可以咁運作。
2. 大戶要食大茶飯，會慢慢收貨令貨源歸邊，而唔會一次過大手掃貨。大戶會在一個價格範圍內收貨，當股價升破該範圍就質低佢，如於阻力位沽1萬股，等隻股回落，就再買2萬股。
3. 大戶會趁弱市或市靜時，故意質低股價震走「老散」，令佢可以平價買貨。
4. 當貨源歸邊，佢就再買貨，推到隻股到心目中個價。呢個時侯，佢就會發放利好消息或傳聞。當你班傻仔接貨時，莊家就套現。
5. 好啦，好消息已盡出。大戶就準備沽空隻股，同時以搭棚掛「買入」牌托價。
6. 當佢成功沽貨後，就即時取消「買入」order，呢個時候佢就放風，話隻股唔掂，隻股一回落，就即時可以趁跌買貨平倉。一隻股就咁俾莊家渣乾渣淨。

資料來源：Business Insider