增加屋企空間的基本法則(14招教你妥善使用空間)

想屋企有多啲空間?

唔洗有咁多雜物亂咁放?

香港現今樓價貴地方少，連住既空間都無，仲點樣擺放你既雜物? 而且就算屋企幾大都好，啲雜物亂放都會變無空間，就算有心去整潔打掃，過一排又會打回原形，日子耐左自己又會變懶，久而久之啲雜物就會充滿你屋企，所以規劃你屋企既儲物空間係非常重要! 市場上有好多傢俱都具有收納功能，只要學識擺放技巧，養成習慣，根本唔需要花好多時間係整理雜物身上。加上依照空間需求調整， 選擇適合自己屋企既收納櫃，利用收納籃增加空間，彈性擴充區域，想有一個乾淨舒適既生活就完全無問題!

所以，如果已經裝修好，可以加設分隔收納盒或者開放式層等等去增加空間。如果仲未裝修，係設計屋企既時候，唔好唔記得設計屋企既收納空間。而係設計的過程中，我們可以參考以下的基本原則。

5個規劃收納空間既基本原則

1.儲物空間均勻分佈，唔好將所有唔關事既物品放係同一個空間

2.為自己挑選合適既收納工具

3.空間既利用，善用屋企既每一個角落

4.藏與露，二八原則

5.臨時放置點，但係千祈唔好越放越多

1

儲物空間均勻分佈，唔好將所有唔關事既物品放係同一個空間

各個空間都應該要有相對既儲物空間，唔好諗住將全屋既物品都放係同一個空間-儲物房，唔係既話就會變得好唔方便，例如搵鞋要去儲物房、搵書又要去儲物房、搵碗碗碟碟都係要去儲物間，成件事就會變得好混亂，所以應該妥當分類放好。

2

為自己挑選合適既收納工具

除左花時間諗點樣將啲衫摺好收埋，挑選合適既收納工具，可以為自己節省好多時間又可以令到屋企有多啲空間!

3

空間既利用，善用屋企既每一個角落

如果屋企既樓底夠高，知道尺寸後可以買一個高度岩岩好既衣櫃，用盡屋企既每一個空間

或者都可以購買可以係床下儲存物品既床等等

4

藏與露，二八原則

如果你屋企會有啲裝飾品想擺放出黎，好似收藏品、模型、畫等等，成個畫面可能會變得好混亂，因為有唔同形狀，唔同顏色，但係如果使用二八原則，將80%既物品收埋係有門既玻璃櫃中，只留20%的展示出來，咁樣睇落去既話空間感會大好多同靚啲。如果你覺得好多裝飾品都好好睇，咁你可以選擇隔一段時間換一批展示品，或者將你舊既展示品轉賣

5

臨時放置點，但係千祈唔好越放越多

返到屋企隨手放低鑰匙，再放低外套，間唔中睇既書放埋一邊，呢啲都係臨時隨手放低既物品。佢地需要一個開放、順手既位置，呢個位置可以係屋企既矮櫃、角几、茶几等等，屋企最好有幾個高度合適，可以隨手放物件既平面。

矮櫃平面，係可以隨手放東西既位置

9個增加儲物空間既方法

1.頂天立地既設計

2.頂部空間–吊櫃、分層

3.地面空間– 地台

4.墻面空間–壁龕、吊櫃、擱板、鐵絲網、洞洞板等

5.樓梯

6.功能家具

7.隔斷空間–隔斷櫃

8.轉角空間（不規則空間）–置物架、定制柜

9.更方便既儲物方式–內部分隔

1

頂天立地既設計

屋企既大型物品、例如衣櫃、書櫃、玄關柜等，都盡量做成頂天立地，一方面可以減少打掃的麻煩，另一方面又可以增加儲物空間。

2

頂部空間–吊櫃、分層

唔做櫃既地方，頂部都可以利用去做吊櫃等等、或者自己做既小二樓。

頂部擱置放書

3

地面空間– 地台

下層儲物，平面仲可以坐、臥既空間。

墊高地面，下層既空間儲物

4

墻面空間–壁龕、吊櫃、擱板、鐵絲網、洞洞板等

我們可以將某部分地方既墻挖掉一部分，做成壁龕，充分利用空間。

5

樓梯

樓梯所佔空間面積都好多，如果屋企有樓梯，就要好好善用!

6

功能家具

儲物床、儲物沙發、儲物凳等。

7

隔斷空間–隔斷櫃

用櫃子代替墻做空間既隔斷，分隔空間既同時實現儲物功能。

8

轉角空間（不規則空間）–置物架、定制柜

轉角處通常都係無咩用，可以放定制柜去善用空間。

9

更方便既儲物方式–內部分隔

在各種櫃子裡，合理分隔空間、增加一啲收納盒、抽屜內帶分隔，櫃門上掛個袋子等，都是將收納空間進一步劃分以求更方便更有序既整理收納方式。

最終規劃你屋企既儲物空間係非常非常重要! 善用空間可以令你屋企感覺上大啲空曠啲，唔會有咁多雜物令到視覺上好混亂。香港現今樓價貴地方少，妥善整理好你既雜物都唔會覺得地方唔足夠! 你地都快啲選擇適合自己屋企既收納傢俱啦，養成一個乾淨舒適既生活習慣!